BENVIDOS

Desde Combarro, desde Chancelas, en Galego.























23 dic. 2010

ULTIMA HORA

Un ano mais (e van 4 seguidos) o noso belén acada o 1º posto no concurso de belens escolares do Concello de Poio.

Gracias a todos pola vosa axuda e colaboración.

22 dic. 2010

O NOSO BELÉN

Un ano mais o cole, coa participación das familias, construi o Belén.
Este nadal, seguindo o tema que nos impulsa este ano, foi adicado ó mar e representou a ría de Pontevedra coa localidade de Combarro e o nacemento está situado nunha cova ó pé da illa de Tambo.
Mirade as fotos e gracias a todos pola vosa participación.

19 nov. 2010

O Magosto

Aqui tedes unha mostra das fotos deste magosto do martes 16 de novembro no cole:

9 nov. 2010

Xa chega o Magosto.


Se o tempo acompaña celebraremos a tarde do vindeiro Martes 16 o magosto na nosa escola. Se non o podemos facer esa tarde xa atoparemos unha mañá, o caso é xuntarnos todos e celebrar o magosto.

Pero, queres saber moito mais sobre esta festa ?mira esta presentación que nos chega desde o IES As Lagoas de Ourense

Se aínda queres aprender algo mais:
Aquí tes a súa historia na Galipedia

Aquí poderás ler sobre a súa historia e actualidade

Pulsa agora aquí para ler unhas interesantes informacións sobre o noso castiñeiro



So se pode comer asada? non, mira aquí cantas posibilidades hai.

E, para rematar, unha recopilación de poemas , adiviñas e lendas do magosto.

E non tardarán en chegar a este blog as fotos deste magosto na escola...

3 nov. 2010

Exposición: Nos tamén fomos emigrantes


O alumnado de Infantil e 2º e 3º ciclo de Primaria do cole fomos estes días á sede naútica de Caixagalicia en sanxenxo para ver unha exposición de fotografías que recolle momentos da emigración galega. Como case todos temos alguén que estivo fora ou aínda segue, estas fotos nos interesaron moito.

Celebración do Samaín.

Fixemos un acto escuro no salón de actos para celebrar o Samaín. Metía medo todo cheo de cabazas prendidas. Conto de medo, canción e mesmo unha actuación improvisada dunha mestra agachada pola escuridade... foi monstruoso!!

Cabazas do Samaín.

Trouxemos moitas cabazas para o Samaín.

2 nov. 2010

Temos adornada a nosa Biblioteca. Agora, no Samaín, mete medo...

19 oct. 2010

Xornada pola ciencia.



Porque, en contra do que opina o decreto de galego da Xunta, na ciencia ten tamén cabida o galego
http://www.coordinadoraendl.org/cienciaengalego

18 jun. 2010

Sabelotodo 2010

Xa chegou, xa está aquí... a revista escolar deste curso, a mellor revista escolar do mundo enteiro... SABELOTODO 2010.

17 jun. 2010

10 razóns para falar galego

Nais e Pais polo Ensino en Galego achegan un decálogo sobre por que os nosos cativos deberían aprender na nosa lingua. Non está mal lembrarllo aos pais -galego ou castelanfalantes- que teñan nas mans xa a enquisa de Educación.
http://www.elcorreogallego.es/adjuntos/documentos/20100616razons.pdf

15 jun. 2010

Crisis? a Xunta tira os cartos

190.000 libros de texto gratuítos para as familias, adquiridos polo goberno bipartito, van ir parar ao lixo, a pesar de teren unha vida útil de dous anos máis. Así o recoñece a propia Consellaría de Educación aos medios de comunicación que se fixeron eco da noticia. O motivo? Eses manuais están en galego e refírense a materias científico-técnicas cuxa docencia no noso idioma quere prohibir o goberno Feijóo a través do decretazo 79/2010.


11 jun. 2010

1º premio do concurso de fotografía de ONS



Esta mañá nos deron a boa noticia. Os de 5º gañamos o primeiro premio do concurso de fotografía que convocou o Parque Nacional Ilas Atlánticas entre os centros que visitaran este curso a illa de Ons...

A nosa foto recolle unha chamada para a conservación do corvo mariño, especie emblemática das illas Ons en perigo de extinción.


Recollimos pola praia materiais naturais: algas, paos, cunchas... e con eles fixemos a figura desta ave mariña.


Aqui nos tedes a todos posando co noso traballo.

2 jun. 2010

Galegando dende o IES Pintor Colmeiro, Silleda

trátase dun lipdub, un vídeo musical rodado nun plano secuencia onde a alumnado, nun divertidísimo playback, mostra o seu centro ao tempo que reivindica a nosa lingua dun xeito lúdico e positivo.

En Galego tamén se fai ciencia

En galego tamén se fai ciencia é unha campaña proposta polas tres universidades galegas para fomentar o emprego do Galego nas ciencias, e é que aínda queda moito que demostrar e moita que normalizar no uso da nosa lingua.

En galego tamén se fai ciencia from En galego tamén se fai ciencia on Vimeo.

24 may. 2010

Artículos de Opinión sobre o "Decreto do Galego sen galego"

Unha serie de artículos interesantes sobre o decreto:

Un do director do Xornal de Galicia.com "Poderase estudar galego sen falalo"

E outro de X.A Pérez Lema tamén do Xornal.com titulado "Seis verdades sobre o galego"


Sen Comentarios...

Festival Letras Galegas



O Venres pasado fixemos no cole un pequeno festival para celebrar o Día das Letras Galegas e conmemorar a figura de Novoneyra. Tivemos actuacións de varios cursos coa presentación da súa biografía por parte de infantil, cancións e recitados de poesía que remataron coa lectura do conto "Ilda, o lobo, o corzo e o xabarín" por parte dos membros do ENDL do cole apoiados nos debuxos do alumnado. Aqui tedes unha pequena mostra

19 may. 2010

Concerto da Semana das Letras Galegas


Esta mañá a nosa dire e mestra de música, Magoia, e Pablo, tamén mestre pero doutro cole, regalaronos un concerto de música popula galega e nos ensinaron o nome e como se usan varios instrumentos tradicionais. Zanfona, gaita, charrasco e birimbao e non sei cantos mais. Todos pasaron polas súas mans e todos soaron moi ben... escoitade unha pequena mostra.



Tamén cantamos nos a adaptación musical dun poemiña de Novoneyra:


Mirade as fotos:

14 may. 2010

Chove pra que eu...

Xa nos imos preparando, a vindeira semana celebraremos con diferentes actos as Letras Galegas e xa imos adornando o cole. O primeiro foi a entrada. Pingas de auga de cada neno e nena da escola completan cunha palabra ou cunha frase o verso de Novoneyra:
"Chove pra que eu soñe"

7 may. 2010

Máis de 4.500 profesores advirten que “dan e darán as clases en galego”

Noticia recollida no Xornal Dixital VIEIROS. 5/5/2010
A plataforma 'Queremos Galego' entregou este mércores no Rexistro da Xunta un documento que conta coa adhesión dos docentes.

Un paso máis que simbólico. A plataforma 'Queremos Galego' entregou este mércores no Rexistro da Xunta un documento asinado por 4.530 profesores de ensino non universitario no que expresan a súa vontade de seguir impartindo aulas na lingua propia do país e o seu rexeitamento á modificación do decreto. Dende a plataforma sinalan que decidiron pedir as sinaturas logo de que o Goberno anunciase que ía obrigar a impartir en lingua castelán materias como Matemáticas, Física e Quimica e Tecnoloxía.

Carlos Callón, presidente da Mesa pola Normalización Lingüística e voceiro de 'Queremos Galego' subliñou diante dos xornalistas que “estes son 4.530 alegatos contra a prohibición do galego e en defensa da aplicación dos consensos a que chegamos entre todas e todos” e “4.530 protestas contra o feito de que Galiza sexa a única autonomía do Estado onde se poderá expedientar unha profesora ou un profesor por impartir as aulas no idioma propio, algo que non acontece nin en Valencia, onde goberna o PP”.

O secretario nacional de CIG-Ensino, Anxo Louzao, que tamén participou na entrega das adhesións, sinalou que “se pretende trasladar a imaxe de que o noso é un idioma de segunda, que non pode ser vehículo normal”. Louzao e Callón salientaron o gran apoio do profesorado e sinalaron que aínda non rematou a recollida de sinaturas.

Maio, mes da lingua


O SNL do Concello de Pontevedra e a rede de Entidades Amigas da Lingua (REAL) organizan Maio, Mes da Lingua, un programa de actividades arredor da lingua galega con exposicións, conferencias, teatro, etc.
Aqui tedes acceso ó programa.


6 may. 2010

Correlingua 2010


Estámonos preparando para irmos o Correlingua deste ano o vindeiro martes en Pontevedra. Esperamos que nos faga bo tempo e poidamos disfrutar do percorrido e das actuacións na Praza da Ferrería.
Aquí vos queda o percorrido deste ano:

Ler e listo. Ler nunca caduca...

2 may. 2010

Os maios no cole

O pasado venres celebramos os maios no cole. Nos tamén fixemos o noso, as nosas coplas e aquí tedes unha mostra do resultado:


30 abr. 2010