O MAIO DA ESCOLA

Este pasado venres celebramos na escola o Maio. Despois de días de traballo no colee acompañados por un día de sol e por moitas familias sacamos o maio ao patio e cantamos as nosas coplas.

ENTROIDO NA ESCOLA

Mirade que ben o pasamos o venres 5 deste mes de febreiro na escola:

DIA DA PAZ

Todos baixo o mesmo sol. Con este lema celebramos, coa colaboración da Casa Rosada do Concello de Poio, Dia de Paz na nosa escola o venres 29 de xaneiro. Recollimos entre todos unha morea de chaves para abrir portas boas de paz, amor e ledicia para o mundo enteiro. Con estas chaves farase un mural que permanecerá exposto na escola. Aqui tedes un video para que vexades como o pasamos.

Festival de Nadal 2015

Preséntovos Uns videos onde se recolle o festival de nadal deste curso. Podedes descargar o que vos interese. 3 anos 4 anos 5 anos 1º 2º 3ºA 3ºB 4º 5º 6º Fin do festival

Magosto 2015

Iste ano celebramos o Magosto cun día de sol estupendo. Fixemos xogos no patio onde participamos todos e todas

magosto2015XOGOS - Kizoa Movie Maker

Mirade unha mostra do ben que o pasamos

Magosto 2015 - Kizoa Movie Maker

Pero isto foi posible gracias a pais, nais e nenos que colaboraron facendo o lume, asando as castañas, facendo e repartindo bocadillos ou axudando nos xogos como monitores.Aquí van algúns... GRACIAS...

magosto2015 colaboradores - Kizoa Movie Maker

DESPEDIDA DE 6ª

Un curso que remata e despedimós ó alumnado de 6º que se vai para o instituto. este é un pequeno video de despedida:

SEMANA DAS LETRAS GALEGAS

Esta semana do 11 ao 15 de maio celebramos na nosa escola a semana das Letras Galegas. Este ano o autor homenaxeado foi Xosé Fernando Filgueira Valverde. Comezamos a semana cunha unidade didáctica que repartiu o EDL para cada curso cunhas sinxelas actividades para traballar e coñecer na clase a este escritor pontevedrés.

 

E tivemos toda a semana unha rúa adicada a Filgueira Valverde con carteis que nos falaban da súa vida e da súa obra.






Tamén tivemos teatro en galego con Tarabelos que viu dous días á escola para ofrecernos
dúas obras:

unha para os mais pequenos: "Sabela e o paxaro máxico". Podedes premer aquí para ver as fotos no blog "Chanceliñas".

E outra para os maiores: "O traxe novo do rei"



Para rematar a semana as clases de 4º, 5º e 6º fomos a Pontevedra ao "Correlingua"

VOZ NATURA 2015

                                "A HORTA ECOLÓXICA" 

Outro curso máis participamos no Programa de Voz Natura. 
 Este curso traballamos a horta ecolóxica. 
Cando o tempo o permitía, coidabamos a nosa horta e traballamos moito para acadar un bo resultado. Aquí tendes unha pequena mostra do que fixemos ao longo do curso.

Os Maios

Onte, xoves 30 de abril , celebramos na escola a festa dos Maios.

Onte saímos todos ao patio nun ratiño que nos deixou a chuvia para cantar as coplas dos maios acompañados por moitas nais e pais que viñeron a escoitarnos.

Mirade que bonito nos quedou

Dia de ROSALÍA na escola

Hoxe celebramos no cole o día de Rosalia de Castro.

Fomos todos e todas ao salón de actos para ver un video sobre a súa biografía
e escoitar unha canción de Uxía sobre a súa infancia.

Grazas, Uxía por esta canción "Rosalía pequeniña"

Onte xa a recordaramos facendo en cada clase uns marcapáxinas e regalándonolos entre nós.

Rosalía, segues connosco.

O Entroido do Cole!

Un ano mais celebramos na escola o entroido. A choiva quixo voltar a acompañarnos e non nos deixou baixar ata a Praza da Chousa pero desfilamos ao redor do colexio e bailamos e cantamos no patio acompañados das familias.

Este ano contamos cunha fotógrafa, Sonja Rodríguez Rivera - Sonja Rodríguez photosurfing que nos regalou o seu traballo cunha excepcional calidade artística, aquí o tedes. Preme debaixo da foto, ponlle volumen á música e mesmo amplia a toda pantalla e disfruta das fotos.

Dia da Paz

Este pasado venres celebramos na nosa escola, coa axuda e participación da casa Rosada do Concello de Poio o Día da Paz.

Primero decoramos a nosa escola e mesmo a escaleira: banzos pola paz con palabras en distintas linguas.

Todos nos mollamos pola paz e con nosos chubasqueiros e paraugas adornados cantamos e celebramos este día.

A Nosa árbore de Nadal

E xa estamos no Nadal... 

Este ano a árbore de Nadal do cole é, simplemente, a mais bonita de todas as árbores de todas as escolas do mundo...

Feita con libros e contos

O MAGOSTO!

Unha chea de fotos do Magosto da escola!  Mestras e ANPA  fixeron deste día unha xornada de participación, xogos, chourizos e castañas.

SAMAÍN

O Conto terrorífico realizado por todo o alumnado da escola: "Unha viaxe de medo"



E aquí tendes unha mostra das cabazas máis terroríficas do noso colexio. Vede e escoitade!!! 

Festival de Fin de curso do cole.

Un ano mais remata o curso e despedímolo coas nosas actuacións.
Aquí tedes os momentos mais salientables:

Actuación de Infantil, os mais pequenos. Tres anos:



Nenos e nenas de 4 anos:




Nenos e nenas de 5 anos coas vogais:



Chegan os de 1º cunha obra teatral:




Os de 2º:




E os alumnos e alumnas de 3º cun baile moi coordinado:



A marcha dos Xigantes interpretada polos nenos e nenas de 4º



Os de 5º cantan e bailan moi "Happys" cun espontaneo polo medio:


e os de 6º rematan o festival cun baile e unha despedida:



                              ATA O CURSO QUE VEN!!

Radio na Escola

RECOMENDACIÓNS LECTORAS A TRAVÉS DA RADIO

Aquí no colexio de Chancelas lemos moitos libros e os nenos de 6º quixemos contaxiar esta paixón lectora con outras persoas e o fixemos a través da radio. Os profesionais da Radio Municipal de Tui nos deixaron levar a cabo esta experiencia tan bonita.

Durante a hora de biblioteca semanal que temos coa profesora de música, ademais de facer o préstamo de libros, escolliamos algún que nos parecía máis especial e o liamos para despois comentalo e facer o guión. Houbo momentos de agobio en canto ao tempo pois moitas veces esa hora non chegaba a nada.

Unha vez feito tocaba  gravar como profesionais, tamén buscabamos a música para facer a montaxe. A verdade é que pasamos momentos do máis agradable, que risas!

Estes foron os programas e recomendacións deste curso. A ver que vos parece!

Preme en cada enlace para escoitar o programa. 

La noche de los mocos vivientes. DAV PILKEI.mp3

O asasinato do profesor de música.  JORDI SIERRA I FABRA.mp3

O millo de mami Fine. INFANTIL 3ANOS COA PROFE CELESTE..mp

Palabras de caramelo. GONZALO MOURE.wav

Un tren cheo de misterios. AGUSTÍN FERNÁNDEZ PAZ.mp3

SEMANA DAS LETRAS GALEGAS

Semana dedicada a Xosé María Diaz Castro e no noso cole fixemos algunhas actividades para recordar a súa figura e a súa obra.

Adornamos a entrada da nosa escola con carteis e nun deles todos os nenos e nenas do cole puxeron o nome do escritor.

Fixemos tamén un recitados das súas poesías máis coñecidas. Desde os mais pequenos ata os maiores, todos as aprendímolos de memoria para recitalas...sen ler!



Algúns nenos e nenas visitaron a exposición de carteis onde se contaba a vida e obras de Díaz Castro

E para rematar esta semana tivemos dúas actuacións de maxia: unha para os mais pequenos e outra para os maiores:

O Correlingua

O día 5 de maio os cursos de 4º, 5º e 6º de primaria asistimos, na praza da Ferrería de Pontevedra, ó Correlingua 2014 que baixo o lema "Galego, o paso adiante" convocou a unha morea de nenos e nenas de toda pontevedra para celebrar un novo impulso á nosa lingua.

Actuacións, percorrido polas rúas da vila, solta de globos e moita animación fixeron desta mañá unha mañá de celebración.

Mirade que ben o pasamos:

Os Maios

A Festa dos MAIOS na escola

O pasado mércores 30 de abril, despois de pasar uns días colaborando entre todos na súa construcción, celebramos na escola a festa dos maios.

Tivemos que facelo dentro da escola polo mal tempo e na entrada, nenos e nenas, mestras e mestres e as familias que quixeron asistir, escoitaron as coplas que lle cantamos.